កម្រងឯកសារបទដ្ឋានគតិយុត្តនានាពាក់ព័ន្ធវិស័យពាណិជ្ជកម្ម
រៀបរៀងដោយ៖ លោក ប៉ូ គឹមសាន់ ១. ច្បាប់ ២. អនុក្រឹត្យ ៣. ប្រកាស ៤. គោលនយោបាយរបស់ក្រសួងពាណិជ្ជកម្ម
កម្រងឯកសារយោង និងគន្ថនិទេស ការលួចទិន្នន័យតាមបច្ចេកវិទ្យា
រៀបរៀងដោយ៖ លោក វិន សុងអ៊ាង ១.លិខិតបទដ្ឋានគតិយុត្ត ២.គោលនយោបាយ ៣. សារពត៌មាន ៤. គេហទំព័រអនឡាញ
កម្រងឯកសារយោង និងគន្ថនិទេស វិជ្ជាជីវៈតុលាការ
រៀបរៀងដោយ៖ កញ្ញា គាំ ស្រីចិន វិជ្ជាជីវៈចៅក្រមវិជ្ជាជីវៈចៅក្រម ១. លិខិតបទដ្ឋានគតិយុត្តជាតិ ២. ព្រះរាជក្រឹត្យ ៣. អនុក្រឹត្យ ៤. ប្រកាស ៥. សារាចរ ៦. សេចក្តីកំណត់/ សេចក្តីពន្យល់ក្រម ៧. គេហទំព័រ វិជ្ជាជីវៈព្រះរាជអាជ្ញា ១. លិខិតបទដ្ឋានគតិយុត្តជាតិ ២. ព្រះរាជក្រឹត្យ ៣. អនុក្រឹត្យ ៤. ប្រកាស ៥. សារាចរ ៦. សេចក្តីពន្យល់ក្រម ៧. គេហទំព័រ វិជ្ជាជីវៈក្រឡាបញ្ជី ១. លិខិតបទដ្ឋានគតិយុត្តជាតិ ២. ព្រះរាជក្រឹត្យ ៣. អនុក្រឹត្យ ៤. ប្រកាស ៥. ចក្តីកំណត់/សេចក្តីពន្យល់ក្រម ៦. គេហទំព័រ វិជ្ជាជីវៈអាជ្ញាសាលា ១. លិខិតបទដ្ឋានគតិយុត្តជាតិ ២. ព្រះរាជក្រឹត្យ ៣. អនុក្រឹត្យ…
កម្រងឯកសារយោង និងគន្ថនិទេស បញ្ជីថ្កោទោស
រៀបរៀងដោយ៖ លោក ប៊ួយ ឈាងហាក់ ១. ច្បាប់ និងលិខិតបទដ្ឋានគតិយុត្ត
កម្រងឯកសារយោង និងគន្ថនិទេស ច្បាប់ការងារ
រៀបរៀងដោយ៖ កញ្ញា សំ គង្គារ ១.សន្ធិសញ្ញា ២.ច្បាប់ និងលិខិតបទដ្ឋានគតិយុត្ត ៣.អត្ថបទស្រាវជ្រាវ ៤. គេហទំព័ររបស់ស្ថាប័ន
កម្រងឯកសារយោង និងគន្ថនិទេស ច្បាប់កម្មសិទ្ធិបញ្ញា
រៀបរៀងដោយ៖ លោក អោក ម៉េងអ៊ូ ១. សន្ធិសញ្ញាអន្តរជាតិ ២. លិខិតបទដ្ឋានគតិយុត្តជាតិ ២.១. ព្រះរាជក្រម ២.២. ប្រកាស
9. ទំនួលខុសត្រូវក្នុងវិស័យសំណង់ / Responsibilities in the Construction Sector (Khmer Article)
បន្ទាប់ពីការបាក់រលំអគារនៃក្រុងព្រះសីហនុ និងខេត្តកែប ច្បាប់ស្តីពី សំណង់ ដែលទើបតែប្រកាសឱ្យប្រើនៅថ្ងៃទី០២ ខែវិច្ឆិកា ឆ្នាំ២០១៩ បានធ្វើឱ្យវិស័យសំណង់ក្លាយជាប្រធានបទដ៏ក្តៅគគុក ដែលគួរតែលើកមកធ្វើការសិក្សាឱ្យបានស៊ីជម្រៅ។ នៅក្នុងបរិបទច្បាប់សំណង់ថ្មីនេះ ទាមទារឱ្យមានលក្ខខណ្ឌចំនួនពីរថ្មី ដើម្បីបិទការដ្ឋានសាងសង់ ពោលគឺលិខិតបញ្ជាក់ពីអនុលោមភាពនៃការងារតាមគម្រោងប្លង់ និងវិញ្ញាបនបត្រប្រើប្រាស់សំណង់ ដែលវាជាមធ្យោបាយមួយដ៏មានប្រសិទ្ធភាពក្នុងការធានាថា សំណង់ដែលសាងសង់រួចពិតជាគុណភាព និងសុវត្ថិភាពស្របតាមការកំណត់របស់ច្បាប់។ លើសពីនេះទៅទៀត ច្បាប់សំណង់ថ្មីនេះផងដែរ បានបញ្ញត្តិនូវទោសព្រហ្មទណ្ឌ សម្រាប់អ្នកដែលចូលរួមក្នុងការសាងសង់ទាំងអស់ក៏ដូចជាម្ចាស់សំណង់ និងអ្នកប្រើប្រាស់ផងដែរ ដែលពីមុនការផ្តន្ទាទោសអ្នកទាំងនោះ គឺប្រើប្រាស់តែក្រមព្រហ្មទណ្ឌតែប៉ុណ្តោះ។ អត្ថបទនេះនឹងធ្វើការផ្តោតសំខាន់ទៅលើ មូលហេតុ និងបុគ្គលដែលត្រូវទទួលខុសត្រូវនៅក្នុងវិស័យសំណង់ និងទោសប្បញ្ញត្តិដែលត្រូវទទួល។
8. ពន្ធលើប្រាក់ចំណូល / Tax on Income (Khmer Article)
ការប្រមូលពន្ធលើប្រាក់ចំណូលចាប់ផ្ដើមតាំងពីឆ្នាំ១៩៩៤ ដែលមានចែងក្នុងច្បាប់ស្ដីពីហិរញ្ញវត្ថុ និងមានការវិវត្ដឥតឈប់ឈរ ស្របតាមការីកចម្រើន នៃសេដ្ឋកិច្ចនិងសង្គមកម្ពុជា។ ក្នុងន័យនេះ ពន្ធលើប្រាក់ចំណូល គឺជាបំណុលរបស់បុគ្គលនិវាសជនចំពោះប្រាក់ចំណូលប្រភពកម្ពុជា និងប្រាក់ចំណូលប្រភពបរទេស និងរបស់អនិវាសជនចំពោះប្រាក់ចំណូលប្រភពកម្ពុជា (តែក្នុងអត្ថបទនេះផ្ដោតទៅលើប្រាក់ចំណូលប្រភពកម្ពុជា)។ ក្នុងអត្ថបទនេះផងដែរ យើងនឹងបង្ហាញអំពី ការកំណត់អ្នកជាប់ពន្ធ ការចុះបញ្ជីពន្ធដារ ព្រមទាំងវិធីសាស្រ្តគណនា ពន្ធលើប្រាក់ចំណូល ដែលក្នុងបរិបទនេះពន្ធលើប្រាក់ចំណូល ផ្តោតលើការកំណត់ពន្ធលើប្រាក់ចំណូលរបស់សហគ្រាស ឬនីតិបុគ្គល។ ការស្រាវជ្រាវក្នុងអត្ថបទនេះមានគោលបំណងបង្ហាញពីនីតិវិធីក្នុងការអនុវត្ត និងបច្ចុប្បន្នភាពថ្មីៗពាក់ព័ន្ធនឹងបទប្បញ្ញត្តិស្តីពី ពន្ធលើប្រាក់ចំណូល ដើម្បីធ្វើយ៉ាងណាឆ្លើយតបនឹងតម្រូវការជាក់ស្តែងរបស់អ្នកស្រាវជ្រាវ និស្សិត និងសាធារណជន។
7. ច្បាប់ រ៉ាផែល ឡែមគីន និង បទឧក្រិដ្ឋប្រល័យពូជសាសន៍ / Raphael Lamkin’s Law & Genocide (Khmer Article)
«អំពើប្រល័យពូជសាសន៍មិនមែនជាសង្គ្រាមទេ! វាគ្រោះថ្នាក់ជាងសង្គ្រាម!»។ ការសិក្សាអំពើប្រល័យពូជសាសន៍ មិនមែនត្រឹមតែដើម្បីលើកគាស់អតីតកាលមកវិភាគ ប៉ុន្តែជាការសិក្សាស្រាវជ្រាវដើម្បីទស្សន៍ទាយពីការវិវត្តថ្មីៗរបស់បទល្មើស ការទប់ស្កាត់ ការបញ្ឈប់ និងដាក់ទណ្ឌកម្មលើអំពើប្រល័យពូជសាសន៍ និងទម្រង់នៃការសម្លាប់រង្គាលផ្សេងៗទៀតសម្រាប់ប្រទេសកម្ពុជា និងពិភពលោកទំាងមូល។ គោលបំណងរបស់យើង គឺចង់បង្ហាញពីប្រភពនៃការបង្កើតច្បាប់ រ៉ាផែល ឡែមគីន ដែលកើតចេញពីបញ្ហាជម្លោះក្នុងការពិភាក្សាដេញដោលលើបញ្ហាឧក្រិដ្ឋកម្មនៃមនុស្សជាតិ និងខិតខំរិះរកបទដ្ឋានសម្រាប់ចោទប្រកាន់រកអ្នកទទួលខុសត្រូវ។ បន្ថែមពីនេះ យើងឃើញថាមានការខិតខំបញ្ចូលធាតុផ្សំបទល្មើសប្រល័យពូជសាសន៍ទៅក្នុងក្របខ័ណ្ឌផ្លូវការគឺការបង្កើតចេញជា «អនុសញ្ញាស្តីពីការបង្ការ និងការផ្ដន្ទាទោស ចំពោះបទឧក្រិដ្ឋកម្មប្រល័យពូជសាសន៍» ដែលវិធានមួយចំនួនធំគឺត្រូវបានដកស្រង់ផ្នែកខ្លះៗនៃច្បាប់ រ៉ាផែលឡែមគីន។ ដើម្បីងាយស្រួលយល់ពីបទល្មើសឧក្រិដ្ឋកម្មប្រល័យពូជសាសន៍ យើងក៏បានសង្ខេបខ្លីៗពីរបបប្រល័យពូជសាសន៍នៃប្រទេសកម្ពុជាដែលជាអង្គហេតុ និងបានផ្សាភ្ជាប់ជាមួយធាតុផ្សំនៃបទល្មើសផងដែរ។ អ្វីដែលជាចំណុចគួរឱ្យចាប់អារម្មណ៍នោះ គឺពិភពលោកបានបោះចោលអាវុធ និងចាប់ដៃគ្នាបង្កើតចលនាសន្តិភាពអន្តរជាតិមួយ ដើម្បីទប់ស្កាត់ និងបញ្ឈប់អំពើប្រល័យពូជសាសន៍ ដែលក្នុងនោះប្រទេសកម្ពុជាជាសមាជិកនៃអនុសញ្ញាអន្តរជាតិ និងបានចែងក្នុងក្រមព្រហ្មទណ្ឌ ក្នុងការថ្កោលទោស។ ជាចុងក្រោយ ស្នាដៃនៃការសរសេរនេះ គឺជាការអបអរសាទរដល់ខួបអនុស្សាវរីយ៍លើកទី៤៣ នៃការរំដោះបានទិវាជ័យជំនះលើរបបប្រល័យពូជសាសន៍នៅកម្ពុជា ០៧ ខែមករា ឆ្នាំ២០២២ ពីរបបកម្ពុជាប្រជាធិបតេយ្យ។
6. ការអញ្ជើញ និងជំនួបជាមួយសាធារណរដ្ឋនៃសហភាពមីយ៉ាន់ម៉ារបស់ប្រធានអាស៊ាន / ASEAN Chair’s Meeting with the Republic of the Union of Myanmar (Khmer Article)
អវត្តមានរបស់សាធារណរដ្ឋនៃសហភាពមីយ៉ាន់ម៉ាក្នុងកិច្ចប្រជុំកំពូលរបស់អាស៊ាន បានដាក់ជាសំណួរជាច្រើន ជាពិសេសទៅលើសាមគ្គីភាពនៃអាស៊ាន។ ថ្វីត្បិតតែ ការអាក់ខាននេះមានក៏ពិតមែន ក៏ប៉ុន្តែកម្ពុជាក្នុងនាមជាប្រធានបានខិតខំធ្វើយ៉ាងណាបង្កលក្ខណៈដើម្បីអោយអាស៊ាន«គ្រប់ទឹក»ឡើងវិញ។ ការណ៍នេះបានធ្វើអោយមានការលើកឡើងជាហូរហែ ជាពិសេសការចោទប្រកាន់មកកាន់កម្ពុជា ក្នុងការបំបែកបំបាក់អាស៊ាន រឺក៏ជាទង្វើមិនគប្បីសម្រាប់ប្រជាជនមីយ៉ាន់ម៉ា។ អត្ថបទនេះគឺផ្តើមតាក់តែងឡើងដើម្បី ចូលរួមចំណែកជាព័ត៌មានមួយបង្ហាញថា កម្ពុជា ក្នុងនាមជាប្រធានអាស៊ាន សមាជិកអាស៊ាន និង សមាជិកអង្គការសហប្រជាជាតិ គឺទទួលបានអនុលោមភាពពីបទដ្ឋានគតិយុត្តតំបន់ និងអន្តរជាតិ។ ហើយអ្វីដែលកម្ពុជាកំពុងធ្វើ ផ្ទុយទៅវិញគឺបានគិតគូរពីប្រជាជនមីយ៉ាន់ម៉ា អនុវត្តនូវកាតព្វកិច្ចខ្លួន ក៏ដូចជាដំណើរស្វែងរកសន្តិភាពសម្រាប់តំបន់ និងពិភពលោក។